झापा । दुर्गा प्रसाईंको अभियानका कार्यकर्ताले झापाको बिर्तामोडमा दुई वटा बैंकमा तोडफोड गरेका छन्। व्यवसायी प्रसाईंका समर्थकहरुले ऋणीलाई यातना दिएको भन्दै ती बैंकमा तोडफोड गरेका हुन्।
प्रसाईंका कार्यकर्ताले एभरेष्ट बैंक र ज्योति विकास बैंकका बिर्तामोड शाखा कार्यालयमा तोडफोड गरेका हुन्। प्रहरीले तोडफोडमा संलग्न ४ जनालाई नियन्त्रणमा लिएको छ।
घटनामा संलग्न भएको अभियोगमा बुद्धशान्तिका अन्जेस राई (बुलेट किराँती), बिर्तामोड ३ सैनिकमोडका मनकुमार तामाङ, झापा बुद्धशान्ति गाउँपालिका वडा नम्बर ४ बस्ने दिपेश राई र बिर्तामोड नगरपालिका ४ बस्ने बर्ष १८ को पवन दुलाललाई नियन्त्रणमा लिइएको जिल्ला प्रहरी कार्यालय झापाले जनाएको छ।
